Page:Poesie napoletane - Ferdinando Russo.djvu/32

From Wikisource
Jump to navigation Jump to search
This page has been proofread.

30

SUNETTIATA



MMOCC' 'A PORTA ¹)


I.


—Dicimmela comm'è! Donna Maria
è bona canusciuta, int"o quartiere!
Sempe ha avuto che fa' e"a pulezzia,
e chesto 'o ssano, rinto 'e Ventagliere!...

Chello c'ha fatto mmiez'a chella via!...
V"o ppo' cuntà don Ciccio 'o cafettiere...
Mmasciate, appuntamente... Uh mamma mia!
S'accummenciaieno a fa'... mali penziere!

Sberressa 'e primma fila! A poco a poco,
ogge ch chisto, n'auto juorno n'ato,
'a vesta, 'o muccaturo ²), 'e stivalette...

C'avisseve penzato?... Eccoce lloco!
Perciò s'appiccecaie c' 'o nnammurato,
ca 'o juorno appriesso Fungio l'accerette ³).