Page:Poesie napoletane - Ferdinando Russo.djvu/236

From Wikisource
Jump to navigation Jump to search
This page has been proofread.
234
piccola borghesia


II.


Ndlì, ndlì... —Chi è? —Signò, nc'è stu signore...
Vene p' 'a casa... —Ah! favurisca, entrate...
Veramente... mò so' passate ll'ore...
Da l'una a 'e quatto... —E nun v'incomodate

— Gniernò, facitencello pe ffavore!
Signò, trasite si no nun turnate!
(Ma vi' che brutta vecchia d' 'a mmalora!)
— Embè, perdono 'e comme nce truvate...

Vedete... Nc'è sta camera ch'è stretta...
Una finestra, e dà a settentrione...
Chillo è 'o passetto, e 'o chiammano saletta...

Guardate: nci ho piazzato nu lettino...
Capirete, cu st'anema 'e piggione!
E nce dorme mio figlio Custantino.