Page:Poesie napoletane - Ferdinando Russo.djvu/23

From Wikisource
Jump to navigation Jump to search
This page has been proofread.
SUNETTIATA
21



VII.


Sta ggente 'e mala vita, sta mappata,
sti cchiorme 'e malandrine, ogne matina
pe quant'erano ll'ore d'a jurnata,
facevano 'e spavare... 'A crema fina!

Che nne ssapive ca dint' 'a nuttata
na femmena era peggio 'e na mappina,
e si curreva 'o juorno p"a campata
'a notte s"a passava int' 'a cantina?

Che nne sapive, ca na fattucchiara
ca se jeva arrubbanno 'e ccriature,
'o juorno, ll'arta soia era 'a spavara?

Penzave tu ca nu faticatore
t'appustiava 'a notte rint' 'o scure
e te mpezzava nu curtiello 'ncore?...