Page:Poesie napoletane - Ferdinando Russo.djvu/210

From Wikisource
Jump to navigation Jump to search
This page has been proofread.
208
poemetti del cuore



CANZONA 'E SENTIMENTO



Bella ca tiene sta rusella mpietto,
che vai facenno pe stu vuosco, sola?


Essa passava mmiezo a li vviole
comm'a nu suonno 'e na nuttata 'abbrile;
teneva ll'uocchie 'e cielo e nfronta 'o sole;
nfaccia, 'o culore d' 'e ggiglie ggentile.

— Che vai facenno pe stu vuosco, sola,
bella ca tiene sta rusella mpietto?

Essa jeva 'ntrezzanno a rammagliette,
carufanielle e rose d'ogne mese;
nun me guardai e nun me rispunnette;
passai, cu ll'uocchie 'nterra, 'e ttrezze scese.