Page:Poesie napoletane - Ferdinando Russo.djvu/207

From Wikisource
Jump to navigation Jump to search
This page has been proofread.
205
poemetti del cuore



'O CIARDINO ABBANDUNATO



Turnatevenne, pecchè nun è ccosa,
nun nce sta manco cchiù nu mandarino!
Nun nce sta manco cchiù na schiocca 'e rosa,
manco e 'ffronne nce stanno, int' 'o ciardino!

Site arrivata cu 'o ritardo 'e n'anno,
povera figlia! È fatta già 'a cugliuta!
Tutto è distrutto! E tuttuquante 'o ssanno...
Ah! ca si primma fusseve venuta!

L'uldema fuie Chella cu ll'uocchie 'e mare...
Giesù, che te facette, chella mpesa!
Me distruggette 'e rrose meie cchiù rare;
e l'albere chiagnevano c' 'a stesa!