Page:Poesie napoletane - Ferdinando Russo.djvu/204

From Wikisource
Jump to navigation Jump to search
This page has been proofread.
202
poemetti del cuore

E me dispero! E chella faccia d'angelo
che m'ha tanto ncantato,
e chella vocca, doce comm' 'a pèrzeca,
ca na sera, 'e sti tiempe, aggio vasato,

mo', sulamente nzuonno, m'accumpareno,
pe ntussecarme 'e fèle,
e me veneno nnanza, e me turmentano,
Anema mia crudele!

Fui pe na sera sola! E 'a tanno, moreno
cerviello e core affatturate 'a te!
Chi me capisce? 'E ggente se ne rideno,
e pure tu starraie redenno 'e me...