Page:Poesie napoletane - Ferdinando Russo.djvu/203

From Wikisource
Jump to navigation Jump to search
This page has been proofread.
201
poemetti del cuore



'A SERA



Amariggiate, amariggiate st'anema,
penziere miei d'ammore!
Pónte 'e curtiello, c'aspettate a scennere?
Squartateme stu core!

Me guardo attuorno... E chisti sciure 'ammennola,
chest'erbe appena nate,
stu chiaro 'e luna, chestu vverde 'e ll'albere,
sti rrose mprufumate,

nun ne parlano cchiù! Cchiù nun me diceno
ch'è tiempo 'e primmavera!
Nu tempurale 'e spaseme e de smanie
st'anema mia fa nera!