Page:Poesie napoletane - Ferdinando Russo.djvu/197

From Wikisource
Jump to navigation Jump to search
This page has not been proofread.


MAN ELLA MIA...
I.
Man A che m' accarezza e me cunzola
uh quanta smànie t’ ’e pigliate ’a me!
Dint’ 'a sta vita abbandunata e sola
sempe m’ è parzo ’nsuonno ’e te vedè!
E te vedevo movere ’a luntano
comme avisse vuluto saluti;
e currevo addu te cu ’o core mmano,
appaurato ’e me putè scetà!
II.
Mana che t’ arrubbaste chisto core,
tienelo forte e cchiù nun ’o lassà!
Doppo tant’ anne 'e lacreme e delore,
tu sola m’ ’e saputo cunzulà!
Comm’ ’o cecato ca nun ’ngarra ’a via*
m’avria pututo perdere pe tte;
ma tu vuliste farine cumpagnia,
tutta cuntenta ’e nun me fa cadè!