Page:Poesie napoletane - Ferdinando Russo.djvu/190

From Wikisource
Jump to navigation Jump to search
This page has not been proofread.


ACENO D’ UVA...

Aceno d'uva, fravulella doce,
chesta vucchella quanto me piace!
E me piace ’o suono ’e chesta voce,
e chisto core nun se fa capace !
E nun se fa capace chisto core
e vurria cantà sempe : Ammore Ammore !
E nun se fa capace ’a vita mia
pecchè tu tiene tanta simpatia!

Sì’ tennerella comm’ all’ erba ’e maggio,
e si’ gentile comm’ ’a palummella !
Chill’ uocchie ’e mare mànnano nu raggio
che fanno scuorno ’a cchiù lucenta stella!
Si tu stisse luntana, oh che viaggio
io farria pe vasà chella vucchella !
Ma lu Destino me te fa parlà,
e sta vucchella n’ ’a pozzo vasà !