Page:Poesie napoletane - Ferdinando Russo.djvu/19

From Wikisource
Jump to navigation Jump to search
This page has been proofread.
SUNETTIATA
17



III.


Chesto t'avasta pe te fa capè
che bbona gente steva dinto llà...
E ppure è niente!... Che ne vuò sape'!
tant'auti ccose chi t' 'e po' cuntà!

Tu travise llà dinto? Embé, ched'è?
Tu ntruppecave senz cammenà...
Calave ll'uocchie nterra, pe vedè
quacche raggione 'e chestu ntruppecà...

Seh...! Stive frisco! Ma qua' veglie e suonne!
Chelli pprete eran'osse 'e criature!
Erano cape 'e muorte tonne tonne!...

Avive addimmannarlo a 'e ffattucchiare...!
Lle serveva nu ninno p"e scungiure?
S"arrubbavanno, e zitto. Che te pare?

2