Page:Poesie napoletane - Ferdinando Russo.djvu/18

From Wikisource
Jump to navigation Jump to search
This page has been proofread.

16

SUNETTIATA


II.


E 'a miezo a chell'ascuro, nun sapive,
da qua' strumente ascevano sti suone...
Chiante, resate, strille... E po' vedive
spuntà, chino 'e felinie ¹), nu mammone ²).

Mo' se ride: ma tanno nun redive!
Mo' ca s'è ribbazzato chill'androne,
mo' ca sta rrobba se ricorda e scrive;
ma tanno r'avria fatto 'mpressione!

E chisto tale ca t'accumpareva,
strillanno, mbruscenannose pe tterra,
e te faceva addeventà chiachiello,

manco sunnà te puozze che vuleva!
Era peggio 'e na pesta o de na guerra!
Era 'o Lupo-mmenaro... 'o Munaciello!