Page:Poesie napoletane - Ferdinando Russo.djvu/159

From Wikisource
Jump to navigation Jump to search
This page has not been proofread.


Sarrà nu brutto suonno ’e frenesia,
narrò pazzia d’ 'a vita mia malata,
sarrà peggio, signale d’agunia,
quanno ’a luce pe n* ombra s' è appannata....
Io nun 'o ssaccio ! Io tengo dint’ all’ uocchie
tutte li ffreve ca m’ ’e date tu,
e me sento spezzato int’ ’e ddenocchie,
e me cunzumo... e nun cumbino cchiù!
Tutta pe tte, sta Primmavera bella !
Pe tte, cchiù bella d’essa e cchiù gentile !
Splennore ’e cielo, addore ’e nepetella,
’e meglio sciure ’e chisto mese 'Aprile.
Va, viene, ride, canta! Anema e core,
pe quanto cchiù se po’, fòlle gudè!
Spàssate sempe ! E scòrdate st’ ammore
pe chi te vularrà cchiù bene e me !
Io sto ecà, nchiuso ! E chesta casa pare
na tomba fredda, addò nu muorto gelai
Làssame sulo, e famme nfracetare,
senza nu sciore e senza na cannela!
E si siente nu strillo, int’ ’a nuttata,
ca se lusinga ’e farse cumpatì,
nun ce fa caso ! È n’ anema dannata !
Tu scuordatillo, e tòrnate a durmì !