Page:Poesie napoletane - Ferdinando Russo.djvu/153

From Wikisource
Jump to navigation Jump to search
This page has been proofread.
151
poemetti del cuore
MAMMA MIA CH’ HA DA SAPÈ!


I.


Quanno 'a notte se ne scenne
p' abbrucià chist' uocchie stanche,
quann’ io veglio e tu me manche,
sento 'a smània 'e te vasà!
E te guardo e schiara juorno,
ma è pe ll' ate stu chiarore!
Tengo 'a notte dint’ ’o core
e nun pozzo arrepusà!

       Ah, nun me fa muri!
       Tu che ne vuò da me?
       Mamma mia me vene a di'
                               pecchè
       chesta smania nun me vò
                               lassà!

       Ah, nun me fa murì!
       Tu che ne vuò da me?
       Mamma mia ch’ ha da sapè?
       Mamma mia ch’ ha d’appurà?
       Nun me fido d’ ’a vasà!