Page:Poesie napoletane - Ferdinando Russo.djvu/150

From Wikisource
Jump to navigation Jump to search
This page has been proofread.
148
poemetti del cuore




II.



Pe ttramente t' ha giurato
ca è de core e sentimento,
t'ha traduto e t'ha ngannato
dint' a manco nu mumento !
Doppo n' ora torna e dice
ca stu nganno è nu pazzia;
t' arravoglia e si' ffelice!
«Core mio!... Bellezza mia!...»


    Luna luna marzulina
    chisto core pava 'e spese !
         A sta vunnella
         diavulella
    nce ne stanno fose appese!
         Ciento pasticce:
         se stuta e appicce;
         tre frenesie
         quatto buscie;
         po’ comm' ’o fruvolo
         te scappa 'a mana,
         pò ll'uocchie parlano
         pe te nfuscà.....
E doppo? ’O naso ’e ll’ uommene
cchiù luongo assai se fa!