Page:Poesie napoletane - Ferdinando Russo.djvu/142

From Wikisource
Jump to navigation Jump to search
This page has been proofread.
140
poemetti del cuore



Po’, mmiezo ’o vverde,
na carruzzella
fora ’a campagna...
P’ 'a via sulagna
nu ventariello...
Essa m'abbraccia,
me vasa nfaccia,
io, tutt’ ammore
Lle dongo ’o core;
Essa me giura—e m’assicura
ca sempe, sempe,
sarrà d’’a mia...
N’ata buscia!

Sott’ a ciert’ albere,
vicino ’o mare,
chill’uocchie rare,
chill’uocchie d’oro...
Uocchie ’e tesoro!...
L’aggio guardate,
l’aggio cantate,
l'aggio vasate,
l’aggio pittate
dint’a stu core...
E cuntemplannole
me so’ mpazzuto,
me so’ perduto...
Essa parlava — e me ngannava!