Page:Poesie napoletane - Ferdinando Russo.djvu/140

From Wikisource
Jump to navigation Jump to search
This page has been proofread.
138
poemetti del cuore




SUONNE CHE PASSANO...




Suonne che passano,
fronne cadute,
pantane 'e lacreme,
sciure sfrunnate,
nomme chiammato—e suspirato...
Che terramoto,
quanno m’avoto
ncopp’ a stu lietto — chino ’e turmiente!
Core, tu stente?

Core, ricordate!
Mane strignute,
risate e spàseme,
gioie e suspire...
Penziere nire,—suonne d’ammore,
prumesse e vase,
raggio che trase,—me schiara ’o core,
me dà l’ammore,—e me ncatena,
po’ m’avvelena...
po’... se ne va...