Page:Poesie napoletane - Ferdinando Russo.djvu/137

From Wikisource
Jump to navigation Jump to search
This page has been proofread.
135
poemetti del cuore



Si pe caso me vide scuntento
o me liegge int' all’ uocchie appannate
ca sto scuro, ca smanio, ca sento
ciento lame a stu core appezzate;
si t’ adduone ca 'e llacreme fanno
na fatica pe nun cumparì,
comm’ a me, c’ assaporo l' affanno,
pure tu si’ nu poco accussì!

Pure tu, pure tu ! Simmo fatte
cu nu core e cu n’ anema sola!
E stu core int’ ’o pietto nce sbatte
pe parlarce na stessa parola!
Sole e neve, surriso e suspetto;
primma ’e te, doppo ’e te, niente cchiù...
Damme ’a vocca ! E cantammo a duetto :
« Si’ nu poco accussì pure tu ! »