Page:Poesie napoletane - Ferdinando Russo.djvu/136

From Wikisource
Jump to navigation Jump to search
This page has been proofread.
134
poemetti del cuore




PURE TU!




Pure tu, comm' a me, si’ gelosa
e annascunne int’ ’o core sti ppene,
e t’ abbasta na spina ’e na rosa
p’ allummà tutt’ 'o sangue int’ ’e vene!
Dint’ all’ uocchie te passa ’o suspetto,
non me cride, nun vuò cumpatì...
Comm’ a me, cu sta serpa int’ ’o pietto,
pure tu si’ nu poco accussì!

Pure tu, quann’ ’o sole te luce
chiaro e fino int’ a st’ uocchie d’ammore
ca redenno se fanno cchiù duce
e me mètteno ’o zùccaro ncore;
comm’ a me, pure tu, dint’ ’o pietto
nu sullievo te siente trasì;
po’ me vase... e te passa ’o suspetto!
Pure tu si’ nu poco accussì!