Page:Poesie napoletane - Ferdinando Russo.djvu/134

From Wikisource
Jump to navigation Jump to search
This page has been proofread.
132
poemetti del cuore




NUTTATA JANCA




Aggio patuto assaì! Nfama si' stata
ma nfama d' 'a cchiù peggia nfamità!
Sta vita tuttaquanta è avvelenata!

Tu senza ammore e senza carità,
quanno st' anema mia steva malata,
tu niente 'e fatto pe m' 'a fa sanà!

Me dicive ca t'ire nnammurata,
me facive scenate 'e ggelusia...
Ajere è stata ll' urdema scenata!

Pecchè? Pe niente! Pe na cosa 'e niente!
Pecchè t' era venuta 'a malatia...
Pecchè quacc' ato t' ha tenuta mente!...