Page:Poesie napoletane - Ferdinando Russo.djvu/132

From Wikisource
Jump to navigation Jump to search
This page has been proofread.
130
poemetti del cuore




FRONNA NGIALLUTA...




Fronna ngialluta, Passiona mia
ca t' aggio data 'a primma giuventù,
comma' a sti ffronne secche mmiezo 'a via
te porta 'o viento, e nun ce viene cchiù!
Pàssano 'e juorne; nu capillo janco
cade ncopp' a sti ccarte nnanz' a me...
Povero Ammore! Tu te siente stanco,
e vai truvanno 'e cchiù nun me vedè!

Quanno dicive ca sta vita nosta
fatta 'e dui core era sta vita sola,
t' annammurave sulo d' 'a parola
d' 'o sentimento e d' 'a sincerità...
Mo' tutto è muorto! E tu nun te n' adduone
ca sta sincerità d' 'o sentimento
era sultanto 'o suonno 'e nu mumento
ca te faceva scrivere e parlà!