Page:Poesie napoletane - Ferdinando Russo.djvu/129

From Wikisource
Jump to navigation Jump to search
This page has been proofread.
127
poemetti del cuore




CASA LUNTANA




Addio! Pe sempe addio, casa luntana
addò vedevo Addulurata mia
e 'a primma vota lle strignette 'a mana!

Addio, ciardino frisco, e adduruso
de nepetella e rose d' ogne mese,
addò 'a guardavo da 'o canciello nchiuso!

Addio, ricuorde 'e stu luntano ammore
ca quanto cchiù ne passa tiempo, tanto
cchiù me rummane appantanato ncore!

È nu pantano 'e lacreme! È nu chianto
ca me saglie e m'affoca ogne mumento...
Ah, perduto pe ssempe, ammore santo!