Page:Poesie napoletane - Ferdinando Russo.djvu/128

From Wikisource
Jump to navigation Jump to search
This page has been proofread.
126
poemetti del cuore


III.

E m' hai mannato a dì: — «Tròvate a n' ata!»
De fa 'ammore cu me, te si' pentita?
De fa 'ammore cu me, te sì seccata,
ma nun t' 'a faccio vengere, 'a partìta!
Tengo 'a spatella 'e Genova astipata...
Se faie overo, embè... Te levo a vita!
P' ogne buon fine sta bopna ammulata,
e 'a lama è bella... pulita pulita...

IV...

E uno e doie e tre, sona campana!
E uno e doie e tre, campana sona!
'A Barra aggio abbistata na pacchiana,
mannaggia chi l' ha fatta! 'I quant' è bona!
Tene nu pietto, pare na muntagna;
tene doie vraccia ca so' ddoi culonne...
'A vurria truvà mmiezo a na campagna!
Tanno, si allucca, nisciuno 'a risponne!