Page:Poesie napoletane - Ferdinando Russo.djvu/124

From Wikisource
Jump to navigation Jump to search
This page has been proofread.
122
poemetti del cuore




QUANNO PASSATE VUI...




Quanno passate vui, passa cantanno
st' anema mia ca corre appriesso a vui,
e dice a 'o core: Scòrdate l' affanno,
e currimmole appriesso tutt' 'e ddui!
Ma 'o core lle risponne suspiranno
ca vui currite troppo e nun sentite,
e, 'a gelusia attuorno semmenanno,
vui troppa mpesa e malamenta site!

E quanno ve fermate a la funtana
pure ll' acqua ve canta na canzona!
E quanno sona a festa la campana,
sona pe vui, e sempe a gloria sona!
Ma quanno 'mpietto ve mettite 'a mana,
giacchè d' ogne buscìa ve rendennite,
no, nun ghiurate, oi bona crestiana!
Nisciuno crede ca sincera site...