Page:Poesie napoletane - Ferdinando Russo.djvu/115

From Wikisource
Jump to navigation Jump to search
This page has been proofread.
113
poemetti del cuore




LACREME ANTICHE...




Na làcrema amara te scenne,
spremmuta dall' uocchie abbruciate...
Tu chiagne 'o ricordo d' 'e ccose passate
e pienze all'Ammore, ca mai turnarrà!

Tu chiagne... Sta vocca te tremma...
vò dicere quacche parola...
Nu nomme te saglie dall' anema sola...
Ma, stanca d' affanno, tu stiente a parlà.

Stu nomme 'o cunosco! Na sera
c' 'a luna scenneva int' 'o mare,
'o core sentette stu nomme chiammare,
e a te s' accustaie, pe te cunzulà...