Page:Poesie napoletane - Ferdinando Russo.djvu/108

From Wikisource
Jump to navigation Jump to search
This page has been proofread.
106
poemetti del cuore


Comm’ ’o sole che scotta. Essa scuttava
stu core amaro, e niente ne sapeva!
Passava appriesso, e nun se n'addunava,
                              e m' accedeva!

E mo'? Mo' ch' è venuta e m' ha vasato,
mo' che m' ha dato tuttuquanto 'o core,
e m' ha vuluto, e 'ncielo m' ha purtato,
                              pazzo d' ammore,

so' stato tristo e malamente assaie,
so' stato pazzo senza na raggione!
Ma fui l'Ammore ca facette 'o guaie,
                              pe passïone!

Si tu sapisse dint' 'o core mio
che guerra 'e morte, oi Santa benedetta!
E che carne stracciate, e che gulìo
                              de fa vennetta!

De fa vennetta 'e chi nn' ha ditto male,
de fa giustizzia 'e chi me l' ha tuccata...!
Ah, no! Nun simmo tuttuquante eguale,
                              oi Santa amata!