Page:Poesie napoletane - Ferdinando Russo.djvu/103

From Wikisource
Jump to navigation Jump to search
This page has been proofread.
101
poemetti del cuore


Tu sultannto, putarrisse
pe ttant‘ anne, ore e mumente,
dirle a storia ’e chisto core,
tutte ’e meglie sentimente,.

tutt’ 'o chianto, tutt’ ’ suonne,
tutt’ ’a smania d' 'a vasà,
e cuntarle saparrisse
tuttaquanta ’a verità!

Viene! Parla! Tu m‘ abbaste,
striscetella ’e velo fino,
tu, ricordo ’e frenesia
ca me stai sempe vicino!

Io nun spero! Essa è partuta!
Io nun chiammo! Essa addò sta?
Chesti bbracce io nun 'e stenno,
pe cercarle 'a carità!

Una cosa sulamente
vularria putè vedere!
Una cosa, ch' è la spina
ca me pogne juorne e sere!