Page:Poesie napoletane - Ferdinando Russo.djvu/101

From Wikisource
Jump to navigation Jump to search
This page has been proofread.
99
poemetti del cuore


Essa nun ce ha mai penzato
ca, tuccannote sultanto,
pure 'e notte veco 'o sole
ca me schiara tuttuquanto!

Nun ha mai penzato, mai,
ca pe mme si’ nu tesoro,
pecchè sempe me ricuorde,
cierti ttrezze meglie ’e ll’oro!

Nnn ha mai penzato, mai,
c' ogne notte io parlo a te?
So' nu pazzo? E che me mporta!
Ma so' pazzo d' 'a vedè!

Nfra nui dui, chi nce have colpa,
Essa, o io c' 'a voglio bene?
Pecchè è nata accussì bella
sta Riggina d' 'e Sserene?

Io nun l' aggio ditto ancore
e nè mai le diciarraggio
tutt' 'o bbene ca lle voglio,
tutt' 'e spaseme che n' aggio,