sè adjhălăn ra-kèra ollè 40 otabǎ 50 M. dări tasè' pas akèsek aghăbăj lobang kongsè abă'na njellet saparo. Opama bǎkto djărèja bădă orèng sè ngèntarè, pennjo djărèja matè akkal, ladjhoe passra bhai, sabab ta' andi' ghaghaman, sè èangghoeja alaban. Taona tjoma makertjet tjètakka ban sokona è antarana kolè attas bän băbă. Torkadhang pas amonjè ,,ssssss", akanța sè njembhoer, masè asosombhăr, pangrasana sè ngètek djarèja la tjè' sèngètta, ta' kèra ètemmo ban mosona. Molana anḍi' pangèra da'bărija, sabab kolè'na djarèja akanța pettè, baḍḍhana aba'na. Kolè'na sè è attas mènangka kodoengnga, bhangonna malengkong mangkorong akanța bhatok sè radja; dhinèng kolè'na sè baba, ija djărèja kolè'na taboe'na, opama pettèna. Dhäddhi kolè'na djărèja arampè doewǎ akanța kolè'na kopètèng, kèdjhing, odang otaba kerrang. Kolè'na sè è attas tjekka' ka tolang baroegghoek; bagijănna sè lowar lèja' akanța tandoe'.
Ba'na tanto ngartè, Hír, djha' kèban sè ta' tao alaban mosona akanta pennjo djărèja ghampang bhai èpègha' orèng otaba èkakan kèban ghălăk akanța: matjan otaba laènna." Tohir atanja: ,,Ponapa parlona pennjo panèka èpègha' orèng?"
,,Sabab dhǎghingnga kennèng èkakan, tellorra ija njaman. E èn-laèn naghără băḍă orèng sè abhoeroe pennjo èpalar mènnja'na. È lo-polo Maloekoe pennjo rèja èpèghǎ' orèng parlo kolè'na. Ba'na ta' ijă la tao pettè, soroj băn kodoengnga ghellas, sè èkaghăbăj dări kolè'na pennjo? Mara èdingngaghi, sèngko' nerrossaghia tjarètana pennjo. Ghella' sèngko' la njarèta'aghi, djhă' pennjo rèja, mon atellora, aghăbăj lobăng ghǎlloe. Mon la seddheng dă lemma, ladjhoe ngoro' tana bi' soko boedina, kongsè alobăng, dilemma ra-kèra M. E djadija sè njabǎ' tel- lorra. E ḍalem tempo djham tao atellor 100 mègghi'.
