114
Bhăreng taḍă' bharäng sè èboewa'a polè, serboengnga kapal amonjè, abherri' tandha, djha kapal mantjala. Towan bhoeroe njèomè ana'na sarta abherri' salamet, ladjhoe atabi'an ban Sidín sambi ngotja: "Sidín, sèngko' passra sinnjóna, ja! Djaga bi' bettjè'." "Ampon djha' kobatèr, towan," saotta Sidín: "Partjadja ka kaoelă; kaoelă adjaga'a sinnjó kadhi adjaga ana' kaoelä dhibi'." Samarèna djarèja towan pas toron dari kapal. Lè talè ban rantajja kapal èdhoettjolè kakabbhi; sowarana rantajja djhăngkar, sè ètadjha' ban messín, ngaroḍoe'; kapalla pas molaè adjhălăn on-laonan, sadjän abit sadjan ghantjang.
Towan ghella' ba'-koba'an abherri' salamet aladjar da ana'na, dhinèng ana'na băr-ngebbărraghi saptanangnga abherri' salamet tinggal. Kapalla atamba djhãoe atamba kènè' pas èlang dari pangabăsan. Towan bhoeroe pas molè. Dhinèng sinnjó sè kaḍoewǎ tjè' sossana apèsa ban orèng towana, aèng matana beng-ngarembeng, nangèsa; nangeng Sidín tao malèpor sinnjóna; ta' abit èlang sossana.
Mon noddjhoenè njaman häwäna, langngè'na bhersè, tasè'na tjeddhoe, tada omba' radja, ban angèn ta' tandes; sinnjó sè kadoewă è adjhak baăn Sidín èn-maènan otaba ngalèlèng è dalem kapal sambi ètjarètaè bhab kapal. Molana Sidín tao atjarèta, sabab la tao aladjar ban kapal keja.
È sèttongnga arè sè katello djar-kalèndjar è ḍălem kapal pas napa' è kennengnganna sakotji partolongan. Sidín njarèta'aghi ghoenana sakotji djarèja èaugghoej nolongè rèng-orèng è dalem kapal, kalamon kapalla demmo bhalai. Baktona báda katjalaka'an barija, sakotji djarèja èpatoron ka tasè' ngangghoej takal; rèng-orèng pada ngallè kadjadija, pas adhina'aghi kapalla. Sinnjó sè kadoewă ladjhoe ghoe-nèngghoe kabada'anna sakotji ghella'.
Kalana băḍă angèn tandes, omba'na radjä, sinnjóna èadjhak èn-maènan è baba sarta ètjarètaè sè èkèra dhaddhi
