This page has been validated.
—48—
Agcadinamag ti. pintasna,
daytoy baró á reina
mainayonpay á gundaoayna
ti quinasaririt ti isipna.
Daguiti adú á cucuana
á taoidna quen marqueza
paglimos paguipaayna
cadaguiti marigatan aoan saranayna.
Napalalo á ladingitda
no malaguipda ni Nerina
sinarita amin ni Lilia
di panagsarac panaglinnaoagda.
Dimteng ti ragsacda
ta naganac ni reina Lilia
ti lalaqui ingguet lungpona
di masao ti yamanda.
Toy baquet á reina
naiduma met ti yamanna
ta nauray naquitana
ti príncipe nga apona.
Di maguibusan á isarita
ti rambac ti pagarianda
dagaiti balud naluc-atanda
daguiti napanglao nalimosanda.
