This page has been validated.
—43—
Dinto la ageuráng reiña
dita naquemmo ti ananayenña
no addaac na inca mabuybuyà
ditoy pagariam á daga.
Pumanaoac ditoy á reino
innac ti adayo á disso
no sumiplot ti daques à naquemmo
panonotem daguiti balacadeo.
Agsinatan natan-oc à reina
maudi daytoyen á panagquitata
itinto Dios a namarsuá
ti manopapac cadaguiti tuocta.
Ni reina quen ni Lilia
nairut ti panaguin-naracupda
nadalus ti naquemda á nágsina.
ta nasin-áo piman ti pužpuzoda.
Tal-lo á taoenen ti napalabasda
ni Ari quen reina Nerina
nasaysayaat manën ti urnusda
nga aoan quet bassit á salimucòcda.
No dadduma ti reina
sombró ti daques nga naquemna
dagusen panonotenna
daguidi balacad ni Lilia.
