This page has been validated.
—28—
Ibagam coma daydayaoec nga ápo
no pudno daguiti damdamagco
maysa can á princesa á nangato
ti mabiit asaoaenyonto.
Isucan ti pacaispalan
ti agdama nga pacarigatam
dinac comá liblibacan
uray damag á casaquitan.
Lilia á caingongotco
pudno amin daguita damagmo
ngem quet di ipanecnecco
nĝa diac manĝasaoa ti slasinno.
Sicsica aoan sabali
toy puzoc inna pinili
amin á cucua di maipudi
ta imnásmo agbalbal-laigui.
Intono bigat á masapa
didiay simbaán mapanta
dagusen balioanta
ti ulbud á panagcasarta.
Uray no mapucaoco amin
ti quina Aric quen aquem
dinac la quẹt sinsinaen
dayta puzom pangaasim.
