This page has been validated.
—22—
Mabalinyo itá ti manĝasapa
ti catutupanyo á princesa
ta iti panangasaoayo quen Lilia
ulbud aoan duadua.
Apo pacaoanendac
ti innac cadacay panangtactac
nadamageo ta casasaad
quet toy palimed innac yebcas.
Dayta queddengyo ti ururayec
toy nacabasol nga agbabaoin
no agduaduacayo incay damaguen
cadaguiti papadi ammirisen.
Naulpit nga tao inguet sabrac
á nagtured nga nangal-lilao çañac
inrurumen inculbunac
ti Sacramento nga innac inaoat.
Apo, iti namanonotac
impagarupco laeng no rabrabac
á bareng bareng nga ayat
pagliòlioanyo nga agbiag.
Impagarupeo ninamnama
nga iti Señor Ari caongetna
ta maysa la nĝa Aldeana
ti casinggalutyo cacal-laisa.
