This page has been validated.
—19—
Rebbengna unay ánacco
á iti rigat bucudtayo
saan nga iti Reino
ti maisandi nga aguicaro.
Anacco no dica ibturan
dayta cacaisuna á pacaispalan
casanontopay toy inám
á matay ti ledleddaang.
Agrubbuatca ta inca sumaruncar
itay princesa á nadeggang
cas inta panagyaman
ti itutulunğda pannaranay.
Ni princípe nupay dina pagayatan
ti ipapanda isasaruncar
pilit á inna pagustuan
ni inana tapno di masnaayán.
Ti barucungna agdussuur
ti baguio agtataruptup
naquemnat mariribuc
ti saadenna á naricut.
No añanto ti pambarna
ti dina panangasaoa
dina met mabalin nga ibaga
ti panagcasarda quen Lilia.
