This page has been validated.
—16—
Ni Emperador dina inggacat
nga imbaon cañac daytoy surat
no dina inona á pinacbab
ti paquinaquem ni anacna no agayat
Anacco no dica anamonğan
daytoy cacaisuna á pamuspusan
pilit á dacam quen inám
iti tanem ingcam agguiddan.
Toy princípe nupay taguidacsenna
nga ulbuden ni amana
pilit madacaoatna
ta panğandinğayna iti biagna.
Ingongotec á dacquelco
matungpal amin nga cayatmo
sirarag-ó toy puzo
ta matulungac ti rigatyo.
Araçupencaman ánacco
ta binang-áram toy barucongco
limmag-anpay toy saquitco
ta nagoacnit amin á ducutco.
Ni Ari Don Arturo
quimmaradcad nga agpayso
dinagusna nĝa impacaammo
iti Emprador á nangato.
