Page:Ncoppo marciapiede - frusso.pdf/43

From Wikisource
Jump to navigation Jump to search
This page has been validated.
— 41 —

È 'a megli'ora! Pò se n'esce,
pecchè 'a vista, (chillo cóse)
faticanno nce patesce!

Vene 'o ggiovane? Ma chillo
apparecchia e fa pertose,
chillo povero Ciccillo!

'A mugliera 'e don Pascale
'o putregge e 'o vede bbene?
E gnorsì! Che nc'è de male?

Chillo tene n'arta 'e mmane!
Pò se mena 'e cape sotto
e gguaragna 'e ssettimane!

Vuie lle date nu cappotto?
Chillo fa cinco pertose
cuntann'uno anfino a otto!

È stat'isso, propet'isso,
che ll'ha dato stu cunziglio!
Chillo llà è nu buono figlio!