Page:Ncoppo marciapiede - frusso.pdf/25

From Wikisource
Jump to navigation Jump to search
This page has been validated.
— 23 —
'O ZAGRELLARO



- Alla scelda! Combrate! A buoni prezze!
Tengo tutta 'a cchiù meglia mercanzia!
Sapone fino a quatte solde 'o pezze!
Fa cuncurrenzia a butte, 'a rrobba mia!

Lacce 'e curzè cu 'e funicelle a ttrezze,
portafoglie di pella burgarìa,
piettene fine... Avande! a buoni prezze!...
So' 'e tartaruca!... Nun è cuntarìa!

Po' tengo pure na duzzina... Jammo!...
Meza lira... Furtezza e cunzistenza!
V''e ccarantesco... So' comm''o llignammo!

Surtanto c''o curtiello 'e ppuò taglià!
Cumbrate!.. E non si teme cuncurrenza!
Se sta sicure... e se po' pazzïà!