Page:Ncoppo marciapiede - frusso.pdf/15

From Wikisource
Jump to: navigation, search
This page has been validated.
— 13 —
«'A MORTE D''E ZZOCCOLE»



-Il torcipanza! Avanti!... Il torcipanza!
Listrugge il topo e tutti l'ardi inzetti!...
Mezza lira! Tre mesi, e nce n'avanza!
Rura tre mesi! Ho pochi ardi vasetti!

S'àpprica quann'è 'a sera, rint''a stanza!
Quanto ve lo mittete sotto i letti!
Ncopp''e ffronne 'e rumana, sta piatanza
proruce sulle sorche i capi effetti!

Verete! Gli attristati e le miraglie
vi rìceno ca so' nu prufessore,
e non una 'e sti ssòlete canaglie!

Fatene alquisto! Il mio torciburella
nun costa niente e serve a ogni ssignore!
(Nisciuna vo' accattà?... Miseria bella!...)