Page:Ncoppo marciapiede - frusso.pdf/12

From Wikisource
Jump to navigation Jump to search
This page has been validated.
— 10 —
'O MAGNATISEMO



- Chi è dunque questo giovane? - Un signore!
- E che ho toccato, dunque?... - Il matinè.
- E dite dunque il nommo... - Sarvatore...
- Ha detto bene? ha ndivinato, che?!

Quarsivoglia comanto, chi mi onore?
Qualunca sia la cosa 'o ppò sapè;
fatti di morte o parpili di core,
ossia di parentela, 'o ddice a me!

Il racazzo, col flùito che contiene,
di quarsisia generica vi parla!
Risponne a tutto! Basta c'uno viene!

Uno, penza una cosa, e la favella!
E nun è che la stongo a mmezziarla,
ca chesta è scienzia, e nun è pazziella!