This page has been proofread.
李起、 哦、 你把呢套書、同我擰去琉璃廠寶文堂書舖處、
話過個俞事頭聽、呌佢同我配個書套、共呢張單、一氣交過
佢、呌佢照單內所開嘅書、每一套擰簿、交俾你帶翻嚟過我
睇吓、 係咯、老爺如果冇第樣事、我而家就去哩、 我冇第
件事、你而家去喇、 衆位咁落力呀、俞事頭喺嗻唔呢、 係、
喺裡頭處、請入嚟坐喇、 咁勤力嚊俞事頭 李爺、你由公
館嚟嗎、 係、喺公館處嚟嘅、 尊駕嚟有乜貴幹呢、 係囉、
我哋老爺打發我、送呢套書嚟、呌你同佢配個套啝、重有張
單、請你睇吓、我哋老爺話、請事頭你照單内所開嘅書、每套
交簿俾我帶翻去佢睇吓先啝、 呢個書套、我地同佢配個
