6
ko' kunun tjubada' mudo.
Sadang datue' lai gawa,
kununlah sajo urang mudo.
Aka singkë' pandape' kurang, pandangaran balun barapo, paliatan balun lai djaueh.
dimakan badarang siang,
gulai nan tida' djo kalapo.
Umue balun satahun djaguang,
darah balun satampue' pinang,
pandapē balun barapo.
akan disuke' tigo suke'.
Akan dirantang hanjo kan pandjang,
ēlo' dipunta ama' njo singkē'.
Mulonjo surē ka dikarang, asanjo kadji ka disabui', ado kapado satu malam, hari nan tarang-tarang larêh, patang Kamih malam Djuma'at dalam nagari Tandjuang Sadjati, nagari tigo sasaieng, diula' batu babahu, dimudie' batu tataga', ditangah sungai bamuntiko, itulah ranah nagarinjo, nagari rami ta' manangguang. baratuih rumah didalamnjo, baribu banja' isinjo.
Malam nan samalam nantun, sadang rinai-rinai katjie', kiro-kiro pukue salapan, urang sudah sambahjang ‘isja, badjalan sagalo dubalang, sarato manti djan pagawai, mamukue tjanang pamanggie, mahado' kadalam koto, tio' liku djalan diturui', tio' kampuang dimasue'i, tabalie injo disanan, dihimbaukan dangan tarati': „Mano sagalo datue'-datue', baie' urang nan patui'-patui', sarato imam dangan kati', bilapun samo didalamnjo! Ampuni kami banja'-banja', kami nangko mandjundjuang titah, disurueh urang gadang kito; namun barisue' hari siang. pagi-pagi kito bakumpue, io katangah balai gadang, tida' djadi bakatinggalan, mano nan tingga dapē' salah, itulah titah kami djawe, disurueh himbaukan pado kami, kapado sagalo ninie' mama', sarato imam dangan kati', baie pun urang patui'-patui', utang di kami manjampaikan, ma'alum di datue' kasamonjo."
Sudah tasingko' hari siang, hari 'tu hari Djuma'at, kiro-kiro pukul salapan, sapanggalah mantari naie'. babunji tabueh dibalai, maningkah
