22
kalau dipikle-pikie bana, ko' santano hambo laï mudo djuo, balun ka lalu mupakat 'tu, antah ko' djo kakarasan.
Nan kan sakarang kini nangko, urang kue' awa'lah lamah, ko' buki' tida ka tadaki laï, ko' lurah tida' taturuni, nan djaueh tida' tadjalang, nan dake tida tahanta lại. Kalau hambo sabui' djuo, nan taraso de' hati hambo, ka berang malah urang di hambo, dikatokan urang hambo: ,,urang tuo busue' laku", awa'lah tuo handa' mamatjah-matjah mupakat urang pulo, tida' tasanang-sanangkan sadjo diam disurau, mangadji-ngadji nan ka untue' diri bago badan lah dipintu kubue, awa' handa' sato-sato djuo, ko' apo-apo mupakat urang.
Lai mah hati gata djuo, ko' apo-apo rundeingan urang, datang malah kamano-mano urang bamupakat, manga kamanakan awa' djuo nan disuruehkan, dimano-mano urang rape'. Itulah kato nan ka tibo didiri hambo. Mandanga itu awa' ang djuo nan ka malu; itulah sababnjo mangko sagan hambo manjabui' kapado ang, apo-apo mularatnjo, tantangan mupakat nan dibué' urang 'tu. Kini bialah ba' apo-apo, nan dape' de' nan mudo-mudo 'iu, ba'itu malah dahulu. Kamano pulo kito akan paï laï ? Namun takadie 'tu, alah tadjali djuo sadja' dahulunjo, kini de' kito utang manapati sadjo lai, itu djanganlah awa'ang rusueh bana tantangan itu; ko' inda' bana hambo sabui' kini 'ko, nan tida' katudju de' hambo 'tu, kudian ko' lai umua samo pandjang, akan basuo djuo di ang aga' sabuah, apo-apo salabhnjo tu, disitu tantulah de' ang. apo-apo mularatnjo itu. Ba'ato kini, karano kato lah sudah, rundieng lah habih, lah ba'itu bue' nagari, nan dikalikan dalam digantuangkan tinggi, tagueh-tagueh sadjolah ang disitu, nan lah talalu 'tu inda' ka dapë' dikadja laï, malainkan awa'anglah nan ka inge'-inge'. nan sahinggo iko kaatéh, sabagai nan hambo katokan tadi.
Kalau apa-apo nan ka dibue', tantangan 'adat djo limbago, parëso banalah dahulu! Pikie dahulu pandapatan, sasa kamudian nan tjilako, itu pinta urang tuo. Djoko' nan baie' dipabuê', basilang tjarano datang, kalau nan burue" dipabue', basilang tundjue' dibibie.
Bukan murah urang djadi pangulu, barê' ringan tangguangan awa', kalau tatjapai ka nan burue', basaki' manjinta' surui', upe' djo tjatje' tibo di awa': djaka' nan baie' tapabue', pandai manimbang elo' burue', tjadie' pandai disabui' urang disitu mungko susah bana, datang surang urang batanjo, burue' baie' ditanjokannjo, siang malam tida' batantu. awa' nan pandai djanjo urang, burue' èlo' urang nan datang, batanjo kapado awa', manjauh urang ateh rumah, mamajah urang didapue, mamandjang handa' palangkahan, karadjo ka lalu djadi tida', itu susahnjo
