Alah rapë urang mandjangue', panuehlah rumah sakampuangnjo, mano nan aga' kari'-kari', sarato urang nan badakē', sarato kaum djan sukunjo, tida'lah dapë' naie' karumah, malainkan tingga dihalaman.
Tanamo sagalo datue'-datue', sarato urang patui'-patui', naie' ka- rumah nan gadang, Datue' Radjo Pangulu; akan sagalo urang sia-sia'. sarató labai dangan hadji, baie' 'alim dangan ‘aluma, naie' karumah nan sabalah.
Alah mahato' kasamonjo, makan sirieh sakapue surang, sagalo urang nan mandjangue': pado maso kutiko itu, taga' badiri saurang manti, basanda ditiang pandjang, urang sabalah dari bako, itu bako datue' nan mati, lalu manjambah maso itu, manjambahkan kapan dari bakonjo, baʼitu buni sambahnjo :
..Maminta ampunlah sajo, kapado karapatan datue'-datue' sado nan halie, sarato tuan urang kajo-kajo, nan saisi rumah nan gadang 'ko, sajo mandatangkan sambah; tida' akan tahato' akan tabilang, ha- njolah sambah mandjalani, sungguhpun ditangah di Datue' Paduko 'Alam 1), tampē' tibonjo sambah sajo."
.,Kapado Allah manitahlah tuan," djawab Datue' Paduko 'Alam.
Maulang manti itu: „Apolah nan akan sajo sambahkan, nan ba' pitua datue' nan tuo-tuo:
Talang di Tandjuang Barula',
diambie ka djundjuang sirieh.
De malang nan tida' talula',
de' mudjue nan tida' taraieh.
Adapun akan datue' 'ko, lah singke' 'umue, lah pandjang langkah. Jah kadatangan hukum Allah, lah tadahulu dari datue'-datue', dalam nagari nan tigo 'ko; nan ba'itjo nan bapakai, de' datue' dalam nagari mati ana' mangapan bapa', mati bapa' mangapan ana'. Nan sakarang kini nangko, lah tadahulu ana' dari bakonjo, sadjo iolah kapan nan salampih dari bakonjo, utjapan datue' dalam Piliang Nan Tudjueh Djurai, ka dipalalu kapado datue' dalam Patapang Nan Tigo Balai, sambah sajopun alah naie, titah datue' djuo sajo puhunkan."
,,Alah sampai de' tuan pagawai ?" tanjo Datue' Paduko 'Alam.
.,Insja Allah, sahinggo itu baru sambah sajo," djawab pagawai itu pulo,
Maulang Datue' Paduko 'Alam :,,Managa tuan sabanta, ama'lah hambo paiokan."
„Alhamdulillah, parēnaïlah datue'." djawab pagawai itu pulo.
———————
1) Datue Paduko 'Alam, pangulu dalam Patapang Nan Tigo Balal, sasuku dangan Datue Radjo Pangulu nan mati.
