This page has been proofread.
CANT DOUGEN
LA MORT
Lou païs dis arange. — Li Santo remounton au paradis. — Lou paire emé la maire arribon. — Li Santen mounton Mirèio à la capello-z-auto, ounte i’a li relicle. — La glèiso di Sànti Mario. — Li suplicacioun. — La plajo camarguenco. — Vincèn arribo e sa doulour desboundo. — Lou cantico di Santen. — Darriero visioun de Mirèio : vèi li Sànti Mario emplanado dins la mar. — Darriéri paraulo, e luminouso mort de la chatouno. — Li coumplancho, la desesperanço.
Au païs dis arange, à l’ouro
Que lou jour de Diéu s’esvapouro ;
E que li pescadou, qu’an cala si jambin,
Tiron si barco à la calanco ;
E que, leissant parti la branco,
Sus la cabesso vo sus l’anco
Li chato en s’ajudant cargon si plen gourbin ;
Que lou jour de Diéu s’esvapouro ;
E que li pescadou, qu’an cala si jambin,
Tiron si barco à la calanco ;
E que, leissant parti la branco,
Sus la cabesso vo sus l’anco
Li chato en s’ajudant cargon si plen gourbin ;
Di ribo ounte l’Argèns varaio,
Di piano, di coulet, di draio,
S’enausso peralin un long Cor de cansoun.
Mai belamen de la cabruno,
Cant d’amour, èr de cantabruno,
Pau-à-pau dins li colo bruno
S’esperdon, e vèn l’oumbro emé la languisoun.
Di piano, di coulet, di draio,
S’enausso peralin un long Cor de cansoun.
Mai belamen de la cabruno,
Cant d’amour, èr de cantabruno,
Pau-à-pau dins li colo bruno
S’esperdon, e vèn l’oumbro emé la languisoun.
