Page:Mga awit sa kabukiran (microform) - mga balitaw, mga kolilisi, mga garay ug mga balak (IA aqr7923.0001.001.umich.edu).pdf/50

43

 Magbasol ka ra Inday ugaling
Kining gugma imong ginabiyaan
Pagahilakan ra nimo sa kasingkasing.
Kong imo ako hinumduman.
                       __
 Hinumduman ra nimo ugaling
Sama sa sinilas nga bakya
Nga imong pagagamiton
Kong mabasabasa ang yuta.
                ___________
    SALUMA VIII
                     ______
 ¿Diin ka gikan kahayag?
Ihunong ang imong paglupad
Kahayag ¿diin ba ikaw gikan
Halayo ba ang balaktasan?
                      __
 Kahayag sumulod ka una
Sa mga rejas niining carcel
Kay ang kayugot sa hunahuna
Igasulat ko niining papel.
                      __
 Dugay na ako sa pena
Sa pena sa pinitencia
Lawas ko maltratado
Tungud lamang kanimo.
                      __
 Ako ang alaut karon
Sama sa laya nga bagon
Nanggamot sa mga kasakit
Namunga sa kamatayon.
                      __
 Akoy kailo nga lumbay
Salingsing sa pobring kahoy
Kon dunay muagi musikway
Sanglit kay makalolo-oy
                      __
 Inday kon ikaw pa
Ang nag batun ni-ining mga kasakit
Sa adlaw ug sa gabii mag panghupaw ka