Page:Mga awit sa kabukiran (microform) - mga balitaw, mga kolilisi, mga garay ug mga balak (IA aqr7923.0001.001.umich.edu).pdf/48

41

Niadtong tubig sa panas
Tuburang nagadaligdig
Makahatag maayong lawas.
                    __
 Atuay tubig sa bukid
Nga sa patag nagadaligdig
Kong mahaadto ang isda sa dagat
Mahimong burod sa tubig.
                    __
 Sa paggikan ko sa bukid
Nag-alindahaw nag-ulanulan
Midayon ako salom sa tubig
Aron dili ako mahumod sa ulanulan.
                    __
 Kining ulo ko Inday nalibog
Buot ko unta hiliburan ang bukid
Kay kuhaon ko ang gamot sa tun-og
Ug ibton ko ang lingtunganay sa tubig.
                    __
 ¿Gining wala ka ba musalig
Sa akong pagkadiyutay?
Sugua ako pagkuha ug tubig
Kay dad-on ko pati atabay.
                ___________
    SALUMA VI
      DUPLO
                       _____
 Kong matuod kang nahagugma
Sumalom ka sa ilalom sa linaw
Dili ka gayod mutunga
Kong dili mo madala ang gamot sa Adlaw
                      __
 Kong buot ka, iyo, mangasawa
Atuay balay namo ayuha
Ayaw pagtakgusa sa ulay
Takgusa lamang sa imong laway.
                      __
 Kong buot ka, iyo, mangasawa.
Atuay balay namo ayuha