This page has been validated.
36
Gipangahas ko pagpamaroto
Kay bisan ako tabunan sa wakat
Antuson ko, inday, tungod kanimo.
Kay bisan ako tabunan sa wakat
Antuson ko, inday, tungod kanimo.
Gilayag ko man gani
Aug dagat nga nagapungasi
Ikaw pa ba ang dili
Sumpay ka sa kinabuhi.
Aug dagat nga nagapungasi
Ikaw pa ba ang dili
Sumpay ka sa kinabuhi.
Ako, inday, ginalayag
Ang dagat nga labing "rebelde"
Matuod ako natundag
Apan ang luwan ko walay napildi:-
Ang dagat nga labing "rebelde"
Matuod ako natundag
Apan ang luwan ko walay napildi:-
Dugay na ako sa dagat
Sa nga moros wala bihaga
Sa paghinagbo ta ug pagkasugat
Gibihag ako sa imong inga, mata.
Sa nga moros wala bihaga
Sa paghinagbo ta ug pagkasugat
Gibihag ako sa imong inga, mata.
Bisan ang dagat malinaw
Isip nga namaludbalod
Dili ako magsakay sa baroto
Kay tingali ako malunod.
Isip nga namaludbalod
Dili ako magsakay sa baroto
Kay tingali ako malunod.
Hain na ang nga moros
Kay musakay ako paglugos?
Dili sakayang hinu-ed
Musakay sa pagpanlu-od.
Kay musakay ako paglugos?
Dili sakayang hinu-ed
Musakay sa pagpanlu-od.
Ka-ilo sa magsasakay
Gina-isip na lamang patay
Ingnon ugaling nga buhi
Kong sa balay mahapa-uli.
Gina-isip na lamang patay
Ingnon ugaling nga buhi
Kong sa balay mahapa-uli.
Gikan pa ako sa dagat
Basá pa gani ang akong kalsunis
Sa pagkabati ko sa imong tingog
Midalagan ako wala makag-ilis.
Basá pa gani ang akong kalsunis
Sa pagkabati ko sa imong tingog
Midalagan ako wala makag-ilis.
