Page:Mga awit sa kabukiran (microform) - mga balitaw, mga kolilisi, mga garay ug mga balak (IA aqr7923.0001.001.umich.edu).pdf/18

11

   Gugma ko gani imong kinahang
   Dili ko gayod kanimo ihatag.

⁂

LUIS.—Bisan ikaw Inday magdung-ag
   Usá ka daura-ang kan-on
   Kong ang gugma mo dili ihatag
   Dili ako lami-an mukaon.

⁂

PINAY.—Bisan ikaw mag luhudluhod
   Kang Tatay ug Nanay mutuhod
   Dili ako nila itugot
   Kay ako maoy ilang ti-il ug kamot.

⁂

LUIS.—Ayaw Inday kabalaka
   Kay ako maantigung musulti
   Hain man ma-ayo ang duruha
   Kanila ang magasilbi

⁂

PINAY.—Ako dili gayud patunto
   Sa mga sulti nga pulos bakak
   Kay kong ako maha-ispidno
   Dili kaman mu-unong pag ambak.

⁂

LUIS.—Pananglit Inday mamatay ka
   Ako kang pagaunungan
   Kong adto na kita sa Camposanto
   Buang ba ako nga dili mudagan.

⁂

PINAY.— Akoy kahoy nga hanagdong
   "Nga miturok sa kapatagan
   Dili kana makapanilong
   Kay adunay nagatima-an.

⁂

LUIS.—Itug-an kay ulangon ko
   Kanang nagabantay kanimo
   Dili ko ulangon sa dalan
   Ulangon ko sa higda-anan.

⁂

PINAY.— Bisan unsaon nimo pag lalang
   Pag bitik ni-ining langgam