This page has been validated.
3
Nga kong ako madako na
Sa sulti dili ako palimbong.
Sa sulti dili ako palimbong.
⁂
LUIS.—Kanang sudlay mong sisik
Sa buhok nagatugabong
Ingon sa gugmang naglabtik
Sa dughan nagapanghagbong.
Sa buhok nagatugabong
Ingon sa gugmang naglabtik
Sa dughan nagapanghagbong.
⁂
PINAY.—Kining sudlay kong sisik
Timaan kini sa katarong
Nga sa sulting palabtik
Dili kini palimbong.
Timaan kini sa katarong
Nga sa sulting palabtik
Dili kini palimbong.
⁂
LUIS.—Unsay bulong sa mingaw
Sa paglakat walay makuha
gitinguha ko sa adlaw-adlaw
Ang pagpaagay sa mga luha!
Sa paglakat walay makuha
gitinguha ko sa adlaw-adlaw
Ang pagpaagay sa mga luha!
⁂
PINAY.—Adunay tambal sa mingaw
Mao ang humay ug saging
Ayaw katulog maadlaw
Pagdaro ug pagkaingin.
Mao ang humay ug saging
Ayaw katulog maadlaw
Pagdaro ug pagkaingin.
⁂
LUIS.—Kutob ko ikaw makita
Nahayag ang akong panan-aw
Gipakalangit ko ang yuta
Nga ginasubangan sa Adlaw.
Nahayag ang akong panan-aw
Gipakalangit ko ang yuta
Nga ginasubangan sa Adlaw.
⁂
PINAY.—Sukad Luis sa atong pagkita
- Gibati ko ang panigsuon
- Walay kapin sa hunahuna
- ¿Unsa pay imong hangyuon?
⁂
LUIS.—Sa saya mo nga malbarosa
Nga nalibut sa piniligis
Malooy ka ako pasuksuka
Sa hawak mo pabilikisa.
Nga nalibut sa piniligis
Malooy ka ako pasuksuka
Sa hawak mo pabilikisa.
⁂
PINAY.—Ayaw Luis ipadayon
Kanang imong mga pulong
Kanang imong mga pulong
