Od sovet, sud i kooperacia gəjk ʙedt valmꞩa jiʒis sigh roʙtuꞩolmit. Tən gəjk tuajꞩov kursь i texnikum. Leningratest tən gəjk tuajꞩinꞓ Jnstitut taval narodit. Texnikumest i institutest vuahpnuvev jenəj saam̦ nuraƶ. Sinst lihtev ꞩigh roʙtuꞩolmu.
Kəʙest joamnev jenəj saamed. Nitꞩe jenəj mojkiev pudce. Nojt i tiedtьj kəʙolmit vegxed jev vuəj. Sovet valt tuajaꞩt lihcempərtit i puaɜlihcempərtit.
Əvtəļ nezan ļaj nez̦amp olmolmnite. Sovet zakonest nezan lij mokam ƶe olmьꞩ maxt olmolmьꞩ. Son vuəj vuahpnuved i roʙtuꞩed maxt olmolmьꞩ. Sovet valt jenəj tuejꞩt ꞩtoʙə nezan lajꞩꞓe valdest. Jenəj neznehte adt roʙtuꞩev sovetin, kooperaciest, ꞩkolin.
Car valt ij əntlinꞓ nimantem pravo uhc narodit. Son puəlьj, ꞩtə valdest jili narod jev alg kuvtla i maxksa podaț.
Sovet valt ant puhk narodit əvtnalꞩim pravit. Juke narot jiʒisnala tuajaꞩt jal. Puhk narod Ə.S.S.Rcest vajev tuajꞩed jiʒis nacional gosudarstvit, oʙlastit, okrugit i rajonit. Ə.S.S.R‘est lev jenəj nacional oʙlast, okrug i rajon. Nacional rajon adt tuejꞩuvev saam̦ jemnest. Okrug i rajonsovet lev ꞩurmus valt jiʒis jemnest. Sovetest oan valꞩed toļk roʙtuꞩdədь olmit. Kulak, nojd i əvtleze car ꞓinovnikit sovete jev luəꞩt. Kuas sij ꞓaŋdədet sovete, tana puhk sovet roʙat kavas vaʙtəkpiala. Ten gəjk oan
9
